Siguridad ta algo cu sigur e parlamentarionan ta preocupa cune. Ya ta den varios ocasion presencia di polis ta notabel pa asina tur cos cana manera mester ta y nada sali for di man.
Presidente di Parlamento, Mervin Wyatt-Ras, a splica a bisa cu ta bay reuni y den parti di siguridad no por divulga kico lo bay haci, pasobra esnan cu ta envolvi, sa kico nan ta haci. Pero ta un punto cu Wyatt-Ras ta bay trece dilanti pa delibera caminda cu lo bay busca algun camara mas y pa asina sostene locual cu tin caba pa ta miho situa. E ora ta wak tur cos cu tin pafo. Tin caba awor aki, pero tin cu perfecciona. Parti paden tin cuerpo policial cu ta yudando. Tin Parlamentario a bisa cu nan ta sinti nan mes intimida pa esaki. Presidente di Parlamento lo bay duna atencion na esey. Di un otro banda ora tin mester di polis ora cu tin un situacion dificil, mester por haci apelacion y haya nan mesora.
Den pasado tabata asina door cu no ta mira, esey a yega di pasa cun’e, no ta haya cu mester tin continuamente den Parlamento. Pero na momento cu mester di nan, nan tambe ta ocupa. No por haya nan pa asina tin proteccion pa e miembronan di Parlamento manera mester ta.
Parlamento tin personal di siguridad. Pero kisas mester bay papia mas con pa perfecciona esaki. Ya caba ta bisa cu Wyatt-Ras ta sinti su mes safe den Parlamento, pero si tin miembro cu ta sinti cu kier’e den otro forma, mester por toch bay bek y check kico por mehora den esaki. Ta mira cu polis ta nos amigo y no enemigo. Si por haci e presencia na un forma diferente, mester por haci’e. E mes a maak mee un reunion unda cu el a haya hopi critica ultimo, ora cu a pasa e ley di Citgo, unda cu publico tabata masal den Parlamento, pero e tabata un bon reunion y toch tabata tin e zonido den Parlamento. Wyatt-Ras no a hay’e malo, pasobra ora cu tin pueblo den Parlamento, esey ta e prioridad e momento ey.
Sinembargo e ora tin cu bay wak con ta bay haci si pa mantene ordo, pasobra un presidente di Parlamento no por bay mantene ordo den publico tambe y mantene ordo entre su parlamentarionan mes. Nos ta na Aruba y e parlamentarionan un ta tira palabra pa otro y tin cu mantene e calma eynan. Den e sentido eynan, ta bay delibera y wak con esaki por bira mas miho.
Unda cu ta un cas di pueblo, tur cos mester por, opinionnan ta welcome y si por haci mas cos pa asina garantisa ora cu cualkier hende ta sinta eyden ta sinti su mes safe, cualkier hende dicidi cu kier bay wak reunion, pasobra e no tin otro color politico, e mester por sinti su mes intimida. Ta algo importante cu si kier habri Parlamento manera semper pa tur hende por wak reunion, por tey, por sinti tambe, por wak nan representantenan di pueblo, mester garantisa siguridad.