E siman aki a trata e presupuesto di DOW. El a keda aproba y tambe un apoderacion pa FCCA, pa asina handel af cierto asuntonan y cu por bisa e siman aki tabata tin un relato di un ley cu ta tocante di e personal den enseñansa Functiehuis, segun presidente di Parlamento, Mervin Wyatt-Ras.. A trata e relato y awo e ta bay pa Gobierno pa despues e duna su contestanan y tambe a trata algun carta cu Gobierno a pidi Parlamento pa wak esaki. Pa loke ta otro siman, lo bay tin mas reunion. Ta bay tin reunion di conseho consultativo, cu ta un ley di e begroting di e conseho consultativo cu tabata tin poni caba riba agenda, pero ta bay wak si por pas’e, e ora trat’e y pa asina vota riba e ley aki. Tambe ta spera cu por haya e nota di contestanan di landslaboratorium, cu ta algo cu tur hende ta en espera di esaki tambe. Tambe leynan cu ta trata e malesanan contagioso, caminda cu Gobierno mester cumpli internacionalmente cu diferente palabracionnan cu a wordo haci. Palabracionnan cu Parlamento a pidi Gobierno pa haci den reunionnan di Ipko. Tambe tin e pa loke ta trata pida di AZV cu minister di Salubridad mester bay trata esaki. Tin tambe e fondo di TPF, cu lo mester bin y esey kier trat’e e ora dia 13 di December y pa por rond esaki tambe af. Y ta bay tin tambe e reunionnan pendiente pa loke ta trata esunnan di presupuesto supletorio, cual ta en espera di esaki. Ta en espera di dje pa algun dia caba. Ban spera cu e por yega y pone riba agenda pa por trat’e den reunion di comision central y pa asina aprob’e den reunion publico.
E ley di conseho consultativo ta un Hoog Organ, e ta un college halto di pais Aruba. E ta un ley cu no tin mucho discusion al respecto y cu esaki siguramente ta spera tambe cu tur hende duna di nan punto, dun’e tambe reconocimento. Naturalmente e ta keda cu miembronan di Parlamento mester por tin espacio si di dunanan feedback y nan comentario y si nan tin pregunta al respecto, pero mester keda trata tur e hoog collegenan aki na halto. Ultimo tabata den un reunion na Parlatino unda cu a trata e presupuesto di Parlatino mes y unda cu esaki ta caminda cu hopi pais ta participa den Parlatino, tanto paisnan Latino Americano y cu di Caribe. Ora a trata presupuesto, ta un College cu ta wordo representa pa Aruba tambe. Ora cu a presenta e presupuesto ningun hende no a haci ningun pregunta. Ningun hende no a haci ningun remarke. Tur hende a apoy’e pasobra nan tin nan hendenan eyden caba. Esey ta un hopi bon ehempel di con por haci cosnan, segun presidente di Parlamento, Mervin Wyatt-Ras.