Segun Presidente di Parlamento, Mervin Wyatt-Ras, si wak e codigo civil cu a wordo pasa den Parlamento mas of menos 2 luna pasa, ta un ley hopi grandi, hopi amplio, unda cu e ta regarda hopi asunto importante pa pais Aruba cu ta por ehempel e asunto di erfrecht, e asunto di diferente ley laboral, pa loke ta trata muchanan tambe tin hopi cambio pa abuso di mucha. Tin un Centraal Meldpunt cu a wordo poni den ley. Tin hopi cambio positivo pa nos pueblo, unda cu parlamentarionan tur a vota pro e codigo civil.
Durante votacion, un miembro di parlamento por pensa cu por vota contra na luga di pro. Na e momento cu vota caba, e ley ta pasa. Den e ley aki a trata tambe e amienda pa e geregistreerd partnerschap cual ta e discusion awor aki. No ta un discusion cu a keda den e temporada di pasamento di e ley. Miembro di Parlamento, Desiree de Sousa-Croes a present’e prome y a pas’e pa diferente miembro di Parlamento y e amienda aki a cambia por lo menos 7 pa 8 biaha y un dado momento tur e lidernan di fraccion a uni hunto y nan a cambia e amienda aki y a wordo presenta. E tempo ey sra. Evelyn Wever-Croes, lider di fraccion di MEP a carg’e. El a bras’e, el a presente tambe y e ora varios miembro di MEP a vota pro e amienda aki mescos cu AVP. Aki tambe tabata tin diferencia di opinion y tabata tin miembro a keda sin vota pa e amienda. Sinembargo tur a uni y a vota unblock pa e BW, pa e Codigo Civil. Awor aki si un miembro bisa cu pa motibonan politico of kico ta su motibonan y cu tur respet pa tur miembro di Parlamento, e por visa cu e por vota contra e uitvoerringsverordening. Awor aki ta bay haya den Parlamento e uitvoerringsverordening, cual ta e ley, unda cu ta cambia diferente ley, pa e ley por bin na vigor, pa bo por ehecuta e ley. Pasobra e ley hopi biaha ta mara na otro. Mester bin un cambio den Codigo Civil. Tur eseynan ta bin agrupa hunto, ta bin den e uitvoerringsverordening, segun Wyatt-Ras.