Segun presidente di Parlamento, Mervin Wyatt Ras, nos parlamentarionan tabata hopi critico pa e fondo di turismo y toch ora cu tabata tin mester, el a yuda aki aya ora cu tin necesidad. Entre otro diferente curso, upgrading, vooral e parti di informacion pa esnan cu ta traha den e sector turistico mes, caminda cu tin prueba cu semper el a wordo door di tur hende, el a wordo aprecia. Asina tambe tin mas otro proyecto. Wyatt-Ras no a studia esaki full ainda, prome cu e tratamento. Pero semper e ta duna un bista di kico ta bay wordo haci. Siguramente ta bon pa pasa e fondo eynan, pa e por duna e sosten. Nos turismo ta hopi importante. Den e dianan aki tin hopi cos cu a pasa na Aruba. Entre otro e horcan cu a haci diferente daño na nos beachnan, turismo awor aki nos tin cu conserv’e. Pesey tambe un atencion special lo bay wordo duna na nan. No ta bisa cu for di e fondo lo mester bin algo, pero mirando cu turismo na e momentonan aki ta un ingreso hopi importante di nos pais, y awo cu nos tin Citgo cu ta bay habri, pero tin cu salvaguardi’e, segun presidente di Parlamento
El a sigui splica cu Parlamento semper ta disponibel pa asina unda cu por yuda comunidad, pesey bo ta para pa interes di pueblo, cual ta central, en berdad si tende e zonidonan cu mester di esaki, siguramente miembronan di Parlamento di tur fraccion, ta para positivo pa esey. A yega di bin cu un amienda pa loke ta trata e fondo tambe pa asina haci prevencion, pa loke ta trata criminalidad. Aki tur e fraccionnan tabata di acuerdo cu esey. Unda cu tin un necesidad y unda cu pueblo ta duna e necesidad, oido ta eynan y siguramente mester ta para habri pa esey y ta spera cu e minister para habri, pa e ora por yuda comunidad, segun Mervin Wyatt-Ras.