Loke a pasa awe cu nombracion di gobernador di Aruba ta hopi lamentabel cu no tin un caminda legal pa cana. Den luna di Januari 2017 na Corsou den reunion di IPKO lo trata e tema di geschillenregeling segun Presidente di Parlamento Mervin Wyatt-Ras.
E ta splica cu loke tin cu haci ta cu ora tin un conflicto por discutie cu Hulanda. Awor aki, no tin mucho caminda pa keha of otro. Den e sentido eynan, segun Wyatt-Ras, e hecho cu ta bezig cun’e tambe pa añanan largo, ta e geschillenregeling, caminda cu tin cu bin un tipo di entidad unda cu ora tin un discusion, un diferencia di opinion, por bay na dje y haya un conseho, haya un veredicto tambe. Ta algo cu a traha riba dje. Aruba a entrega un propuesta na Hulanda. Hulanda tambe tabata tin su pensamento. A bin resulta cu minister Plasterk tin un concepto di ley pa loke ta esaki. Esey tampoco no ta bay cu ta presenta algo y e ta wordo tuma manera cu lo mester ta. Pero awor aki, ta spera cu esaki bay encaminda y cu pronto por conta cu esey. E ora por bin mas cos cu no ta di acuerdo cu otro, pero por lo menos tin un caminda pa cana. Na e momentonan aki ta duidelijk cu tin un democratisch deficit den reino y ta algo cu a señala, pero toch e ta bay keda y ta parce cu e ta birando mas fuerte ainda. Esaki ta algo cu tur politico cu ta stima nos pais, mester bay confronta esaki y mester forma un front, no bay haci politikeria, pa asina wak con ta bay deal cu esaki.
Den e proximo reunion di IPKO, siguramente esaki lo tuma luga. Di parti di Aruba, tabata tin dos persona profesional di Universidad di Aruba cu a yuda traha un concepto di ley unda cu a present’e tambe, hunto cu Corsou, cu tabata tin, St. Maarten, hunto a yega na un solo ley y tabata tin algo hopi bon traha y dado momento discutiendo eynan, a tende tambe cu Hulanda tambe tin un concepto di ley cu ta bay wordo presenta. E comision tambe cu ta atende, siguramente lo bay trece esaki dilanti pasobra nan ta atende cu e punto aki, unda cu a haci hopi preparacion al respecto y cu siguramente ta un punto cu lo bay wordo trata durante e reunionnan cu ta bay tin na Januari na Corsou.
Esaki sigur lo bay den blok. E siman aki lo bay tin reunion pa cuminsa prepara tur esaki nan. Tin mas topico interesante tambe y esaki siguramente Geschillenregeling ta un topico cu ta bay wordo discuti.