Durante un entrevista cu presidente di Parlamento, Mervin Wyatt-Ras, a puntre si e por a tuma nota cu hopi miembro di oposicion no tabata tey presente den e reunion di awe mainta, cual aki el a splica kico tabata e motibo.
Prensa ta constata cu tin personanan, miembronan di Parlamento cu no tey presente. Sr. Bikker a zeg af pasobra e tabata tin kebrante di salud y tambe sr. Glenbert Croes a anuncia e mesun cos, cu e no lo bay tey pa un temporada. E otronan si no a duna cuenta. Ta di asumi cu nan tin otro asuntonan pa atende. Ta jammer si pasobra ora cu a trata reunionnan y e LIM, parlamentario independiente sra. Lopez-Tromp a haci pregunta y door di esey a haya cu tin miembro te hasta di personal cu no por a bay un almuerso di pasco, pa asina nan por keda cla. Parlamento tin su obligacionnan. Nan kier bay cu reces. E personal e ora ta haya oportunidad pa bay cu reces y nan kier rond af nan tarea. E ora no ta bin na reunion pa e sigui haci pregunta.
Mester ta serio tambe, mester como Parlamentario, tin responsabilidad y tin cu cumpli cun’e. Esey ta jammer. Sin embargo cada un mester responde pa nan mes. Wyatt-Ras tey como presidente di Parlamento. E tey pa tur cana na ordo, pero cada Parlamentario mester hustifica na su pueblo kico e ta haci y en todo caso, ora di reunion, tin parlamentario ta zeg af cu nan no ta bin y otro no ta haya e importancia den esaki. Pero pa reunionnan di presupuesto supletario, ta bin cu cambio den e gebroting y ta jammer cu e parlamentario mes pa kisas pa haci politikeria, otro no kier carga e responsabilidad y no kier haya critica, pero e ora nan no kier sostene esey. Wyatt-Ras a bisa den un entrevista, tempo cu el a bay Parlatino, ta tende hende ta critica Parlatino, pero tur e paisnan Latinoamericano irespecto nan diferencianan di opinion a sinta hunto y ora cu a bay pa pasa e presupuesto di Parlatino, tur a vota on block pa e presupuesto. Den Parlamento di Aruba a e bira un novum, cual ainda Wyatt-Ras no ta compronde dicon cu hendenan ta firma e presupuesto, ta sinta na mesa, aprobe, haya presentacion, y den sala ta vota contra. Ta firma pa algo y ta vota contra bo mes. Esey ta algo cu te ainda no ta compronde y te hasta a haya critica pa esey door di a bise. Mester ta transparente. Ta den Parlamento pa pueblo sa kico ta haci. No ta bay pa gusta Wyatt-Ras como presidente. Ta bay pa hendenan cu ta traha pa fraccion y ningun hende no ta critica riba esey mas. E placa ta bay pa esey. Tin otro gastonan di Parlamento. Personal tin su derecho. Kico ta costa pasobra bo ta den oposicion, no por sostene pa e personal, pa e trahadonan, pa e griffier, haci su trabao, ta kinderachtig. E ta keda na e parlamentarionan ey pa nan haci nan trabao manera cu nan ta kere cu nan ta haci’e.