Mervin Wyatt-Ras (AVP): “Presupuesto 2018 di pais Aruba tabatin hopi contradiccion”

0
RBC Juli 2018
Funmiles-2018

Parlamentario Mervin Wyatt-Ras ta trece padilanti cu den e presupuesto di pais Aruba cu a ser trata siman pasa tabatin hopi contradiccion.
Di un banda ta anuncia medida pa nos pueblo cu subida di BBO te cu 6 %, mientras cu di otro banda no ta mira cu gobierno a corta gasto suficiente. Gobierno a core fia placa dor di supuesto deficit y mega debe, sinembargo durante tratamento di e presupuesto placa tabata sali for di tur macutu pa paga diferente gasto di personal y di material cu ta aparece den goederen en diensten. Kiermen cu gobierno anterior a laga placa atras pa e gobierno aki por gasta.
Otro contradiccion ta cu ta anuncia crisis social y ta traha un plan di crisis social cu mester ser ehecuta urgente, pero durante e reunion den nota di cambio no. 2 diripiente gobierno a pasa parlamento un “fast ball’ y a kita un suma di 5.6 miyon for di e social crisisplan. E suma a bira e ora mas o menos 11.6 miyon enbes di 17 miyon. Ora Wyatt-Ras a reclama gobierno a core cambi’e mesora. Anto reclama Wyatt-Ras tambe. Aki por mira cu e gobierno no ta tuma e sector social na serio paso mientras cu ta anuncia crisis no ta para full tras di inversion pa e sector aki.
Pa sigui cu mas contradiccion tin cu menciona e asunto di ingreso dor di refineria. Di un banda gobierno ta bisa cu refineria no por paga y mester fia placa. Hasta a menciona cu dor di e slow down lo mester cuminsa pensa riba un otro pilar economico cu ta cannabis. Pero despues cu e presupuesto a bin for di CAFT, gobierno diripiente a anuncia cu por ricibi dividendo for di RDA y tambe cu e plan social, despues cu Wyatt-Ras a reclama, por haya un suma for di RDA. Pues tin placa masha bon.
Un otro contradiccion ta cu despues cu den campaña a priminti un y tur cu lo habri refineria ora cu esaki a anuncia un slow down gobierno enbes di actua a keda keto paso e tin cu cumpli cu coalicion cu ta contra refineria. Aki e tigernan a bira lamchinan cu miedo.
Otro contradiccion ta e asunto di cannabis cu ta ser anuncia dor di minister presidente como un posibel pilar economico mientras cu den mesun rosea ora a introduci e crisis plan social ta menciona cu un di e muchanan cu a perde su bida a hay’e cu a dun’e marihuana. Pues di un banda cannabis ta bon pa bira un pilar economico y di otro banda e ta causa daño paso e ta parti di crisis social.
Asina por continua cu e hecho cu ta keha cu tin criminalidad mientras a baha e suma di overtime di polis.
Un otro contradiccion ta CAFT. Mientras cu gobierno a keha cu ta AVP a introduci CAFT enbes di cumpli cu e ultimo normanan di CAFT a endeuda nos pais mas y crea mas mega debe pa asina pronto mester bay over den cambia e ley di CAFT enbes di elimin’e manera nan a priminti pueblo.
P’esey mes por compronde cu e parlamentarionan di e coalicion MEPPORRED a entrega hopi mocion unda cu nan ta mustra di e forma ey cu e maneho di nan partidonan den coalicion no ta suficiente ni cla locual Raad van Advies tambe a trece padilanti ora cu el a bisa cu gobierno no ta duna splicacion di e maneho y cu for di maneho no por conecta na e sumanan menciona.
Pues un presupuesto cu no ta transparente y a haya un “dikke onvoldoende” for di Raad van Advies. P’esey mes fraccion di AVP den e tiki tempo cu nan a haya pa entrega pregunta na gobierno a traha di dia y anochi pa entrega casi mil pregunta.
Wyatt-Ras a pesar di ta sostene e plan social y proyectonan cu lo continua riba tereno di salubridad y husticia, sinembargo no por sostene e presupuesto den su totalidad en bista di e contradiccionnan. Gobierno aki awor cu e no a mantene su mes na e normanan di CAFT cu e ta indica cu e presupuesto di aña 2018 mester tabatin un surplus di 0.5%. Pero contrario na loke ta keha cu tin mega debe a fia placa pa nan mes haci e mega debe mas halto ainda dor di cual no por cumpli cu normanan di CAFT. Pa e añanan venidero e presupuestonan lo no por cumpli cu CAFT tampoco locual lo haci cu tin cu cambia e ley di CAFT. Aki pueblo lo bay wak ta ken ta bende nos autonomia. Paso actualmente e ley di CAFT ta temporal pero si bay adapt’e, Wyatt-Ras tin su dudanan cu CAFT lo keda temporario.

Comments

comments

C: Heineken
new india