Mervin Wyatt – Ras (AVP): Gobierno di AVP ta saldo positivo di AZV y surplus di SVB

0
RBC Juli 2018
Funmiles-2018

Recientemente Director di AZV, drs. Ringeling, a declara cu pa aña 2017 AZV tabatin un saldo positivo di 30 miyon florin. Director di VB, ir. Jacobs, a declara cu cuentanan anual di SVB a mustra pa aña 2017 cu tur 5 fondo di SVB tabatin un surplus. E director a elabora encuanto di e fondo di pensioen cu a subi cu 236 pensionado te na un total di 21.194 pensionado cu un surplus di alrededor di 45 miyon florin y e surplus di e fondo di seguro di malesa di 112 mil florin. E cantidad di trahado a subi cu 2162 te na total 42.119 trahado. Un subida di 5.3% di trahadonan. Manera e director di SVB a splica esakinan ta resultado di reforma di ultimo 2 aña. Tin mas trahado cu ta inscribi y tin cu hasta paga boet si no ta inscribi. Ademas dor di cooperacion cu DIMAS trahadonan cu ta registra tin cu paga na SVB. Esaki ta basa ariba leynan cu a pasa den parlamento den e periodo 2015-2016. Sigur gobierno di AVP a salvaguardia interes di nos pensionadonan y di nos trahadonan. Gobierno di AVP a duna e fondo di SVB e tools pa por para fuerte.
Ta straño si, segun Wyatt-Ras, cu gobierno aki ta keda keto keto sin menciona e entradanan aki pa gobierno. Ademas gobierno tin como entrada dividendo di diferente companianan estatal, pero asina mes gobierno ta skohe pa atraca nos ciudadanonan cu medidanan di aumento di BBO pa paga pa gastonan cu gobierno a aumenta di personal y di goederen en diensten. Hasta awor a resulta cu Banconan tambe lo mester paga BBO di cual nan tabata degenera di no paga. Sigur esaki lo tin su efecto ariba tur esunnan cu tin nan cuenta na Banco. Asina pues por mira cu subida di BBO tin un impacto hopi mas grandi cu gobierno a pinta pa pueblo. Y awor CAft su advies ta indica cu minister di Finanzas Xiomara Maduro mester bai baha gastonan di personal. Tanto cu e Sra. aki a hiba y trece informacion pa Hulanda por bin cu CAft na Aruba, awe e mes ta lucha cu Caft. Lider di MEP, Evelyn Wever-Croes tanto cu el a a bisa cu e ta bay kita Caft awe e mester a bay Hulanda pa delibera pa CAft sigui y pa e tene su mes na e normanan di CAft. Eseynan ta buelta di bida. Hulanda a duna e minister 2 aña so pa e por cumpli cu normanan di CAft pa yega na un surplus y dentro di 2 siman gobierno mester contesta na Hulanda con e lo baha e cantidad di personal. Hulanda a duna gobierno diferente “herkansing” pa e presupuesto yen di fout cu Raad van Advies mes a duna un “dikke onvoldoende”.
Nos pueblo ta despunta di e gobierno aki cu envez di cumpli cu loke a priminti den campanja ta haci net lo contrario. A priminti di goberna sin medida y brommer cos cu ta cuminsa cun’e ta medida di aumento di BBO te na 6 %.
A priminti 7 minister y a pesar di tur cos toch ta pone 8 minister.
A priminti trabou pero no a haci nada pa habri CITGO, a priminti cu lo elimina CAft y awe ta yora cu Hulanda pa duna nan un otro chens. Gobierno a priminti di baha prijs di awa y coriente y no a cumpli. Hasta prijs di gasolin a subi. Tampoco no a hisa salario minimo ni a baha e edad di pensioen. Asina por sigui cu mas ehempel. Wyatt-Ras ta lamenta cu nos pueblo tin cu bay paga pa gastonan nobo cu gobierno a haci. Pues mester stop di culpa gobierno anterior y cuminsa pone e ser humano central.

Comments

comments

C: Heineken
new india