MERCA/INGLATERA – Dia 6 di Februari ultimo, reina Elizabeth II di Inglatera a converti den e prome monarca Ingles den cumpli 65 aña riba e trono. Y durante tur e temponan aki, ningun hende a durf di cuestina su legitimidad como monarca. Te cu awor aki.
Allan V. Evans, kende ta biba na Colorado, Merca, a sigura publicamente cu e ta e berdadero Rey di Inglatera, ya cu e ta un descendiente directo di e liña di sucesion di Wales, cu ta data for di e di tres siglo. Evans a duna di conoce cu e informacion inespera aki atrabes di London Times, unda cu el a publica un aviso cu ta splica tur cos en detaye. Eynan, e Mericano ta sigura di ta pariente directo di Cunedda Wleding, fundado di e Reino di Wales y ta continua describiendo e lineahe generacion tras di generacion.
Mas ainda: Evans a señala cu su aviso ta busca pa alerta tur su famianan, cu den 30 dia, e lo reclama tur su derechonan riba propiedad, activo y titulonan entre nan, por supuesto, e Rey di Inglatera. Esey si, el a aclarea cu e lo sinta riba e trono despues cu “Su Mahestad Reina Elizabeth II” muri, ya cu e ta sinti un profundo respet pa e ‘gran servicio y sacrificio desinteresa c e y su casa, prins Philip a rindi na e gran nacion aki.” “e leyenda no tabata uno mito, sino cu berdad, y mas cu un simpel historia di Tolkien, cu e hombernan di West awo a bin bek y awo ta momento cu e Rey ta bin bek,” Evans ta finalisa, recordando e famoso historia di e escritor Britanico. Segun The Independent ta informa, parce cu esaki no ta prome biaha cu Evans ta reclama di tin derecho riba algo. Na 2012, e mesun homber aki a sigura di ta doño di 161 hectarea di tera den e condado di Twiggs, na Georgia, cu supuestamente tabata wordo habita pa su ancestronan. Sin embargo, e homber no por a entrega ningun prueba di loke e tabata afirma, ya cu – el a argumenta- tur a kima den un candela cu a afecta e edificio di husticia di e condado na 1901.
Fuente: Emol.com