Un homber den e estado Mericano di Kansas, acusa di a mata su casa hospitalisa, a splica polis cu e no por a cuid’e ni paga e recibonan di dokter, e medionan local a informa.
“Ami a hacie, mi a mat’e, mi a strangul’e,” Ronnie Wiggs, di 75 aña, a afirma diasabra ultimo, segun e comunicado di e personal di centro medico Centerpoint den e ciudad di Independence. Fuera di esey, el a splica cu e tabata deprimi y cu e no por a soporta e cuido y e pagonan.
Casa di Wiggs tabata den hospital despues di a ricibi un dok nobo pa su dialisis, ora cu e personal a ripara cu e no tabata respond’e. E dokternan a logra recupera e pulso, pero a determina cu e tabata morto celebral.
Mientrastanto, Wiggs ya a bandona e hospital. Pero, yiu homber di e muhe a rece p’e wak e y el a confesa. Ora cu a arest’e, e homber a conta un recherche cu el a cubri su nanishi y boca di su casa pa evita p’e grita.
Tambe, Wiggs a señala cu tambe el a purba di mata su casa mientras cu e tabata den un centro di rehabilitacion, pero el a lanta y a pidi p’e no bolbe hacie. Den un otro ocasion, el a purba mat’e mientras cu e tabata hospitalisa, pero no a haya oportunidad pasobra e tabata conecta na varios monitor.
Dialuna, e supuesto delincuente a haci su prome aparicion p’e cargo di asesinato den segundo grado y remiti n’e oficina di e defensor publico. A fiha un audiencia diahuebs pa revisa su fiansa di 250 mil dollar.