E 100 florin falso cu ta circulando awor aki ta 80% cerca di esun original. Esaki ta segun Meredith Britten-Solognier, di e Cash & Vault Department di Banco central. E ta sigui splica cu e biyetenan ta basta cerca, pero toch ta di un color inferior. E calidad di papel tambe ta uno di un calidad inferior compara cu esunnan legitimo.
E folie ta uno cu nan a purba e biaha aki pa haci’e lo mas miho posibel, pero nos placa mes toch ta di un bon calidad cu e ta haci’e asina dificil pa nan por falsifica nos placa.
Problema por spera semper den futuro, pasobra hende ta sigui purba pa falsifica placa, vooral cu e tecnologianan cu tin awendia hopi avansa, pero den caso cu nos placa di Aruba, e ta hopi chikito pasobra nos placa ta wordo uza solamente na Aruba so. Dollar ta mundialmente ta wordo uza.
E investigacion ta di banco mes, Britten-Solognier a splica. Ora cu tin mas punto acerca, e ora Banco Central lo circul’e den exterior pa haci mas investigacion.
Nos 100 florin, cu tur e splicacionnan cu Banco Central ta dunando publico y tambe e foyeto cu ta bezig ta reparti y por bin busk’e, nan por haya tur informacion, caminda cu nan no ta keda sin tuma e 100 florin.
Comunidad por keda trankil y tuma e 100 florin cu tur trankilidad, Britten-Solognier a enfatisa. A yega di pasa den algo asina den pasado. Tur biaha malhechornan ta sigui purba pa yega mas cerca posibel di nos biyete di 100 florin. Nos placa di Aruba ta di un bon calidad cu ta haci’e un tiki mas dificil pa falsificadornan por sigui purba.