Meredith Britten-Solognier di Banco Central, ta splica cu Banco Central tin su propio materialnan pa por saca afo si un placa ta falso. Pa comunidad, pa comerciantenan, nan por busca e foyeto cu tin tur e puntonan di identificacion y siguridad na banco comercial. Tambe nan por subi riba website di Banco Central y tambe nan por busk’e na tur e banconan comercial e foyeto aki, di cual por cuminsa splica pa mira e folie, e hilo di siguridad, e watermerk cu ta un watapana, e elementonan palpabel, e fibranan UV. Esaki por uz’e bao di luz. Ta pone e biyete bao di luz. Tambe e marcanan translucente y tambe tin e texto micro riba e biyete.
E manera di mas facil, ta e watermerk, pa asina sa cu e ta uno autentico.
Segun Britten-Solognier, pa ora cu ta traha cu placa, ta haci transaccionnan di placa, ta preferiblemente pa tin suficiente luz. Evita si ta anochi ta trahando, caheronan cu ta traha den clubnan nocturno, pone mas luz pa asina ey por wak e placa mas miho cu ta posibel.
Ta alerta e comerciantenan tambe pa sinti e placa. Ta compara un placa cu si berdad e ta mesun cos cu uno autentico y tambe ta bisa nan pa wak e hilo di siguridad, e number serial tambe ta hopi importante, segun Britten-Solognier. Cada biyete tin un serienummer diferente, el a finalisa.