Stichting Musica ta sumamente contento pasobra aworaki nos musiconan merecidamente ta bay yega na un Carnival Village. E proceso aki a tuma su tempo, pero cu esfuersonan cu Minister encarga cu Infrastructura Otmar Oduber a bin ta haciendo kende a duna su palabra, aworaki ta cumpliendo cu esaki tambe. Tin diferente trabou andando cu lo termina den faceta, pero cu pasenshi nos ta ‘all out’ pa e siguiente aña.
Cu e cambionan cu ta trahando riba dje SMAC y stichting Musica ta bay traha mas hunto. ‘Mi a boga y semper a bisa cu mi deseo ta pa mira con Carnival Village por acomoda no solamente festival pa 4 anochi, sino tur festival di carnaval den e Carnival Village.
Un di e proyectonan nobo ta encera un mural unda cu ta bay reconoce tur nos grandinan cu tabata Kings di Calypso y Roadmarch (Caiso & Soca). Esaki sigur ta algo pa ta agradecido cun’e.
Adicionalmente Minister Oduber a anuncia construccion di oficina cual lo haci cu e organisacionnan por ta centralisa y unda cu tur hende por sa cu nan por yega eynan. Na e oficina tambe lo por atende cu publico pasobra publico hopi biaha tin falta di cierto informacion.
Finalmente ta anuncia cu den Carnival Village lo tin un seating area tambe specialmente pa nos grandinan y lo no mester paga pa e stoel! E organisacion lo percura pa acomodanan. Ta papiando di suficiente stoel calculando e cantidad di stoel custuma cu ta mira hendenan drenta cun’e.
Di e forma aki ta invita henter comunidad pa asisti na e gran re apertura di Carnival Village dia 4 di februari.