BUENOS AIRES, Argentina – E divisanan di Latino America por keda alenta na comienso di e siman tras e confirmacion di e victoria spera di e candidato centrista, Emmanuel Macron, den e prome buelta electoral di Francia, pero e deterioro di e panorama di fondo pa e activonan financiero di e region ta sigui ta pisa.
Den operacionnan global “offshore” -antes di e apertura formal- e peso Mexicano a yega na subri rond di 1 porciento, cerca di 18,63 dollar, en linea cu cierto alivio generalisa pa e triunfo di Macron, kende a evita un balotahe entre candidatonan contrario na e globalisacion.
“Ta improbabel cu mercadonan warda te dia 7 di Mei (dia di e di segunda buelta electoral di Francia) y nos ta spera un ambiente faboral den e toma di riesgo na inicio di e siman,” segun e compania TD Securities.
Pero ainda asina, operadornan di America Latina lo ta na e defensiva di un posibel aumento di votalididad den e proximo dianan. Problemanan di e region ya a pisa siman pasa, e pio pa e peso Mexicano desde e inicio di 2017 y caminda cu e real Brasileño tambe a cay.
E peso a debilita ora cu e presidente di Merca, Donald Trump a bisa cu e ta pretende realisa cambionan grandi na e Tratado di Comercio Liber di Norte America (TLCAN), cu ta inclui Mexico y Canada, of incluso caba cu e pacto, retomando su retorica agresivo riba e tema.
Na Brasil, e real a cay na nivelnan cercano na 3,15 pa dollar, como resultado di e decepcion di inversionnan, despues cu e presidente Michel Temer a realisa concesionnan nobo pa encamina e aprobacion di un impopular reforma na e sistema di pensioen cu a general protesta.
Na Argentina, e peso lo a baha lentamente, incluso te na 15,60 pa dollar, ante e aumnto di e compranan di dollar, despues cu e Banco Central a bisa cu e lo sali pa reforsa su reservanan internacional te na e ekivalente na un 15 porciento di e producto interno bruto (PIB) di e pais.
Na Chile, a warda posibel altibahonan di e peso, entre 650 y 658 pa dollar. Na Colombia, e cuadro parce tabata un tiki mas calmo. Juan Carlos Cendales, director di divisa di Credicorp Capital, a premira un ranto lateral pa e peso, cu un ekilibrio cada biaha mas cerca na 2.920 pa dollar.
Fuente: Reuters