NEW YORK, Merca- Mercadonan di balor di Merca a cay cu 480 punto. Esaki ta a consecuencia di e respuesto duro di China den forma di invoerrechten, segun AP.
E caida ta wordo registra despues di cu China a anuncia dialuna e imposicion di 25% invoerrechten na 106 producto Mericano, manera soya, auto y productonan kimico. Esaki ta den respuesta di e medidanan tuma door di Merca.
Ministerio Chino di Comercio a sigura cu e tarifanan a wordo determina pa impone 50 miyon dollar tur aña.
Durante e apertura di e trimester financiero nobo, e accionnan di e compania Mericano tabata tin e posicion mas pio riba e mercado di balor desde e Gran Depresion, segun datonan publica pa Bloomberg dia 2 april ultimo.
Di otro banda, Dow Jones tambe a cay cu 700 punto, mientras cu Nasdaq a cay cu 193 punto, según CBS.