RIAD, Saudi Arabia- Minister di Relacionnan Exterior Saudi, Adel al Yubeir a informa cu Merca y Saudi Arabia diasabra a firma un serie di acuerdonan riba diferente materia balora na 380 biyon dollar pa e proximo dies añanan.
E acuerdonan aki ta inclui e benta di armamento Mericano na Saudia Arabia pa 110 biyon dollar, locual ta historico y sin precedente pa e Reino Saudi, segun e minister Saudi a bisa den un conferencia di prensa unda cu e secretario di estado Mericano, Rex Tillerson tambe tabata presente.
Tillerson a sigura cu e suma di e acuerdonan firma ta supera e 350 biyon dollar y el a sigura tambe cu Merca y Saudi Arabia ta comparti e mesun interesnan den cuestionann di siguridad.
Na su yegada na Saudi Arabia, e mandatario Mericano a ricibi e medaya di oro for di Rey Abdulaziz durante un reunion sosteni den corte real na Riad, capital di e pais.
Fuente: www.ntn24.com