WASHINGTON D.C., Merca – Merca ta exigi placa for di companianan na Singapore y China, pasobra nan a impone sancionnan contra Noord Korea, debi na e programa nuclear di e pais, a keda ignora. China a reacciona pica pica.
En total ta trata aki cerca di 10 miyon di dollar.
E companianan di Singapore, Velmur Management y Transatlantic Partners, lo a laba placa pa e companianan na Noord Korea.
Tambenan ta haci uzo di cuentanan di banco Mericano, esaki según documentonan cu a wordo entrega na corte na Washington. E compania Chines, Dandong Chengtai Trading, a wordo gara pa e tipo di motibonan aki.
China a reacciona rabia riba e exigencia monetario aki. Segun e pais, e fout aki mester “wordo inmediatamente drecha,” según vocero di e embahada Chines na Merca, na Reuters.
Si Merca no drecha esaki, según e vocero, e cooperacion entre e paisnan por wordo afecta.
Lista preto
Esaki no ta prome biaha cu Merca a actua fuertemente contra e companianan cu ta mantene posibel lasonan cu Noord Korea. Despues cu e sancionnan reciente a wordo imponi riba e pais, e lista preto di compania y personanan cu tin un tipo di aliansa cu Noord Korea, a wordo amplia.
Nacionnan Uni lo cuminsa e luna aki cu sancionnan economico nobo contra Noord Korea, debi cu nan a efectua dos test di raket na Juli. Tambe China, cu pa basta tempo a sostene Noord Korea, a opta pa impone sancionnan mas pisa.
E minister di asuntonan exterior Mericano, Tex Tillerson, a bisa diamars “cu nan ta satisfecho”, cu e hecho cu Noord Korea no a efectua mas test, despues di e sancionnan.
Fuente: www.anp.nl – www.nu.nl – www.reuters.com