SIRIA – E atake riba un konvooi di ayudo di e Red Half Moon na Siria, ta trabao di e avionnan di combate Ruso. E trupanan Sirio no ta dispone di manera pa por haci cierto atakenan, segun funcionarionan Mericano.
Rusia ta desmenti cu e konvooi na Aleppo a wordo ataca pa nan, segun CNN. Esaki lo tabata militantenan cu a ataca e caravana di ayudo desde tera. Esey lo mester wordo clarifica door di imagennan di video di e atake. Tambe e daño di e vehiculonan no ta cuadra cu un atake aereo.
Merca ta bisa cu dos avion di combate SU-24 Ruso a bula riba e konvooi un rato prome cu e atake. Nan ta haci Rusia responsabel pa e atake aereo.
E caravana di ayudo, cu cuminda y remedi, pa e ciudad Aleppo, a wordo bombardea dialuna anochi. Tambe un deposito y un hospital a wordo alcansa. Akinan por lo menos 20 boluntario a fayece.
Demasiado peligroso
A base di e atake, Merca y Cruz Cora a dicidi pa duna un ayudo na e konvooinan. E ta demasiado peligroso pa organisacionnan humanitario pa por haci nan trabao.
Fuente: RTL Nieuws
