Merca ta sanciona dos barco petrolero pa a manda crudo pa Cuba desde Venezuela

WASHINGTON, D.C., Merca- Diabierna gobierno di Merca a sanciona dos compania mas y dos barco cu ta transporta crudo di Venezuela pa Cuba, cu ta aliado di Caracas.
“Merca lo tuma mas medida si Cuba sigui ricibi petroleo Venezolano a cambio di apoyo militar. Manera nos a bisa den varios ocasion, e caminda pa alivia e sancionnan pa esunnan cu a wordo sanciona ta di tuma accionnan concreto y significativo pa reestablece e orden democratico”, e Secretario di Tesoro Steven T. Mnuchin, a expresa.
E comunicado di e institucion ta ofrece detayenan di empresanan sanciona:
• Monsoon Navigation Corporation tin su sede na Majuro, Marshall Island y ta e doño registra di e barco, Ocean Elegance, (IMO: 9038749), barco cu ta transporta crudo pisa for di Venezuela pa Cuba y cu a entrega petroleo desde fin di 2018 te cu Maart 2019.
• Serenity Maritime Limited tin su sede na Monrovia, Liberia y ta e doño registra di e barco, Leon Dias, barco cu ta transporta productonan kimico y petrolero (IMO: 9396385) cual a crudo for di Venezuela pa Cuba for di final di 2018 te cu maart 2019.
Di mes manera, e Departamento di Tesoro a menasa cu medidanan disciplinario den e sector di defensa y siguridad Venezolano pa a apoya e regimen di Nicolas Maduro.
E sancionnan nobo aki y e advertencia ta “un respuesta directo na e aresto ilegal di miembronan di e Asamblea Nacional door di SEBIN, según e institucion a bisa den un comunicado.

Comments

comments