WASHINGTON D.C., Merca – Departamento di Estado di Merca a informa diasabra cu nan a restaura miles di visado cancela na ciudadanonan di shete pais y mayoria mulsulman, debi na e veto migratorio imponi pa e presidente Donald Trump, awo cu esaki a keda blokia door di orden di un hues federal.
“Nos a reverti e revocacion provisional di e visadonan bao di orden ehecutivo. E personanan cu visa cu no a wordo fisicamente cancela, por biaha awo, si su visa sigui ta valido,” un funcionario di Departamento di Estado a bisa.
E Departamento di Estado a sigura diabierna cu el a revoca provisionalmente casi 60 mil visa di stranheronan proveniente di e shete paisnan afecta pa e entrada na vigor di e veto migratorio.
Fuente: NTN24