WASHINGTON, D.C., Merca- Presidente di Merca, Donald Trump, diaranson a anuncia e reconocemento oficial di su gobierno di e ciudad di Jeruzalem como capital di e estado di Israel.
“Ta hora pa reconoce Jeruzalem oficialmente como e capital di Israel,”, Trump a bisa.
Den un conferencia di prensa di Cas Blanco, e mandatario a confirma tambe e decision di traslada e embahada di su pais di Tel Aviv pa Jeruzalem.
Cu e anuncionan aki Trump a bisa di e cumpli cu e ley aproba pa Congreso Mericano na 1995, cual aplicación a wordo posponi reiteradamente pa tur e presidentenan di e pais te cu awo.
E mandatario a indica cu e el a duna instrucción na e Departamento di Estado pa cuminsa e preparacionnan necesario pa e mudansa di e sede diplomatico.
E decision di Trump ta pone cu Merca ta bira e prome pais na mundo pa reconoce Jeruzalem como capital di Israel.
E status di Jeruzalem ta un di e temanan mas dificil den e relacion entre e paisnan Musulman y Israel y un punto central di cualkier negociacion di paz entre Palestinonan y Israel.
Na comienso di e siman aki, Trump a consulta cu varios mandatario di mundo Arabe-Musulman, cu segun informenan, a indica na Trump su rechaso na un medida di e tipo aki.
Jordania a adverti su “consecuencianan grave” y e hefe di e Liga Arabe, Abul Gheit, a indica cu su decision “lo alimenta e fanatismo y e violencia”. Turkia a sigura cu esaki lo ta un catastrofe”.
Diamars atardi, un grupo di organisacionnan nacionalistanan Palestino y di gruponan Islamista a emiti un declaracion den conhunto yamando na tres dia di “ira popular” pa protesta den e teritorionan Palestino, como tambe manifestacionnan dilanti e embahadanan y consuladonan di Merca rond mundo.
E anticipacion na e posibel reaccionnan negativo, Departamento di Estado Mericano a emiti un advertencia entre su embahadanan y oficinan diplomatico pa nan prepara pa posibel protestanan.
Fuente: http://www.bbc.com/mundo