Internacional: Merca a reconoce formalmente e lider di oposicion Venezolano Edmundo Gonzalez como e presidente elegi di e pais despues di e eleccionnan presidencial di dia 28 di juli, asina secretario di estado Antony Blinken a anuncia diamars awor riba X.
“E pueblo Venezolano a papia enfaticamente dia 28 di juli a haci Edmundo Gonzalez presidente-elegi. Democracia ta exigi respet pa e boluntad di e votadonan,” e funcionario diplomatico di mas halto di Merca a publica mientras e tabata participa den e cumbre di G20 na Rio de Janeiro.
E anuncio ta marca un cambio significante den e politica di Merca pa cu Venezuela: te awor, Merca y otro paisnan a conclui cu Gonzalez a gana mas voto cu e candidato na mando, Presidente Nicolas Maduro, na jui, pero no Nan a bin reconoce como “ presidente-elegi.”
Observadornan internacional di Centro Carter y Nacionnan Uni, como tambe e propio analisis di CNN, a conclui cu e conteo di voto publica pa oposicion tabata legitimo.
Maduro ta keda firmemente na poder na Caracas y a cualifica e pretensionnan di oposicion como “fraudulento.”
Gonzalez, kende a huy pa Spaña na september temiendo pa su seguridad, a bisa anteriormente cu e tin intencion di regresa Venezuela den e proximo simannan pa e inauguracion presidencial fiha pa dia 10 di januari.
