WASHINGTON – Samsung Galaxy Note 7 ya caba no ta bon bini riba avionnan na Merca. Ministerio di Transporte a divulga esaki diabierna, cu e smartphonenan aki no mag di wordo hiba den avion.
E compania Sur Coreano a laga sa mas tempran di stop cu produccion di Galaxy Note 7, despues di varios incidente caminda cu ehemplarnan a kima.
Samsung a purba pa yuda cu e problema, pero no a logra den esaki. Consumidornan afecta por haya nan placa bek.
E prohibicion ta conta pa tanto handbag como maleta. Desde diasabra e aparato no mag di wordo manda via post tampoco. “Nos ta reconoce cu e telefonnan aki tampoco no mag di wordo manda via aereo, cu por ta hopi incomodo pa algun pasahero, pero e siguridad di tur hende abordo ta un prioridad,” e minister di Transporte Anthony Foxx a bisa den un declaracion.
Fuente: ANP