RIO GRANDE, Texas – E agencia di Aduana y Proteccion Fronteriso di Merca ta mandando 150 persona adicional na Valle del Rio Grande na zuid di Texas, pues segun autoridadnan a informa, caminda cu tin un aumento den e cantidad di mucha y famianan indocumenta cu ta purba di crusa Merca desde Mexico.
Na October 45.195 persona a wordo deteni na e frontera, compara cu 39.501 na September y 37.048 na Augustus, hefe di e Departamento di Siguridad Nacional, Jeh Johnson a bisa, den un comunicado na principlio di e siman aki.
“Como resultado, actualmente tin rond di 41.000 persona den nos instalacionnan di detencion di imigrante – tipicamente, e cantidad den detencion di imigracion ta fluctua entre 31 y 34 mil,” el a bisa.
E agentenan adicional ta wordo asigna na traha den centronan di procesamento di imigrante na McAllen y Weslaco, Servicio di Aduana y Proteccion Fronteriso a bisa den un comunicado di prensa. E medida lo tin cu libera na agentenan local cu nan ta mas familiarisa cu e region, e agencia a bisa.
Polisnan adicional ta bin di areanan di Tucson, Arizona; San Diego y Del Rio, Texas. Ta spera cu nan ta yega pa diadomingo y probablemente lo keda na zuid di Texas pa por lo menos dos luna, Chris Cabrega, kende ta cu e Conseho Nacional di Patruya Fronteriso, a bisa.
Ta e parti ey di Texas tabata luga di un cantidad di mucha y famia no compaña y indocumentadonan na zomer di 2014, hopi di nan for di Honduras, Guatemala y otro nacionnan Centro Americano.
E menornan no compaña ta drenta Merca den un cantidad cada biaha mas hopi desde 2012, segun e Instituto di Politicanan Migratorio.
Johnson a bisa cu e Agencia di Imigracion y Aduana ta buscando un espacio di detencion adicional pa e adultonan soltero por wordo devolvi rapidamente na nan paisnan di origen.
“Esnan cu ta purba di ingresa den nos pais sin autorisacion mester sa cu, di acuerdo cu nos ley y nos balornan, nos mester y nos ta manda nan di buelta,” Johnson a bisa.
“Un biaha mas, mi ta anima e imigrantenan y nan famia pa sigui e diverso camindanan sigur y legal disponibel pa esnan cu tin mester di proteccion humanitario na Merca.”
Fuente: CNN en Español