FLORIDA, Merca- E tormenta ta moviendo den lama Caribe rumbo golfo di Mexico, cu yobidanan fuerte y e posibildiad di genera cu e tera ta bira moli y causa inundacionnan na Mexico, Cuba y zuidoost di Merca.
Florida y Missisippi a declara estado di emergencia diasabra pa e yegada inminenten di Alberto na Merca. Gobernadornan di ambos estado, Richard Scott y Phillip Bryant, a avisa nan siguidonan pa medio di Twitter tocante nan decision.
E medida a wordo adopta pa “sigura cu nos estado tin e recursoann cu e mester pa mantene e faminan sigur y prepara pa e awaceronan fuerte y inundacionnan cu esaki lo trece cun’e.
E tormenta tropical aki ta e prome pa forma den e temporada di horcan den Atlantico na 2018, y e ta acerca poco poco a traves di lama Caribe pa Cuba, Mexico y costa oost di Merca, paisnan cu ta menasando cu yobidanan fuerte, tera cu ta bira moli y inundacionnan e weekend aki.
Segun e ultimo informe di e National Hurricane Center, Alberto ta na 105 km leu di Cozumel, rumbo pa Yucatan cu bientonan maximo di 65 km/h.
Fuente: https://actualidad.rt.com