Merca ta baha su prijsnan di petroleo

WASHINGTON, Merca- E produccion petrolero Mericano a impulsa e mercado a pesar di e incertidumbre pa supuesto recortenan na caminda.

Prijsnan di petroleo diamars a registra un caida despues di cu Merca a aumenta su produccion di crudo y a mitiga di e forma aki e preocupacionnan relaciona cu e recorte tan spera di e Organisacionnan di Paisnan Exportado di Petroleo (OPEP).

E futuro di crudo Brent cu ta wordo bendi na 66,37 dollar pa bari pa 7 or y 52 GMT, ta ekivalente na un caida di 0,6% desde e ultimo cierre, mientras cu e futuro WTI a experimenta un caida di 0,5% pa keda na 56,94 dollar. Segun informenan di Reuters, e prijsnan a keda sin proteccion despues di un benta grandi di accionnan riba Wall Street liga na e inminente decision di OPEP.

Sin embargo, analistanan ta señala tambe cu e postergacion anuncia pa Rusia pa cu un potencial acuerdo di disminucion di e oferta petrolero di OPEP tambe tabata un factor determinante di e caida di e prijsnan, cu actualmente ta situa cerca di un 25% bou di e pico registra na october.

Varios ta e entidadnan cu ta sperando pa OPEP acorda e disminucion di oferta di petroleo dia 6 di december proximo den su reunion oficial, cual lo por pone cu e crudo Brent lo bolbe subi an 80 dollar. Desde Washington y e Agencia Internacional di Energia a protesta contra di dicho recorte.

Comments

comments