WASHINGTON, D.C, Merca- Diaranson, Merca a apoya su apoyo na e Grupo de Lima den su rechasa na e decreto di e Asamblea Nacional Constituyente pa tene eleccionnan presidencial na Venezuela, dia 39 di April. Na opinion di Merca, e eleccionnan aki lo no ta ni liber ni husto.
“E eleccionnan aki lo no refleha e boluntad di e pueblo di Venezuela y lo ta mira como anti democratico y ilegitimo den wowo di e comunidad internacional”, Heather Nauert, vocero di Departamento di Estado Mericano a bisa den un comunicado.
Merca ta respalda e declaracion emiti diamars pa e Grupo de Lima, cu ta surgi di e imposibilidad di aproba resolucionnan contra Venezuela den e Organisacion di Estadonan Americano pa e blokeo di paisnan Caribeño.
E grupo a rechasa e decision di ANC di delanta e eleccionnan pa e prome kwartaal di aña, cu generalmenta ta wordo efectua na December.
Nauert, a expresa e rechaso di Merca na e convocatorio di e eleccionnan. El a argumenta cu e pais Norteamericano ta considera ANC un entidad ilegitimo.
“Nos ta haci un yamado na Venezuela pa cumpli cu e compromisonan di e Carta di OEA y e carta Democratica Interamericano y nos ta apoya e declaracion di e Grupo di Lima cu ta pidi un proceso democratico transparente y inclusivo”, e vocero di Departamento di Estado di Merca a indica.
Fuente: http://www.el-nacional.com/