WASHINGTON, Merca- Diabierna Merca a anuncia cu e lo suspende su participacion den e tratado INF cu Rusia. Cu esaki ta cuminsa un proceso pa retira di e prome acuerdo di desarme seya durante e Guera Friu pa Washington y Moscu. E acuerdo aki ta destina na elimina tur misil nuclear y convencional di rango cortico y mediano.
“Merca lo suspende su obligacionnan bou di e tratado INF dia 2 di februari”, debi na e presunto violacionnan di e tratado di parti di Rusia, segun e secretario di Estado di Merca, Mike Pompeo, den un conferencia di prensa na Washington. E proceso aki lo keda completa den seis luna, a menos cu Rusia bolbe cumpli cu e tratado aki y elimina tur misil, y ekiponan cu ta viola e tratado.