Merca produciendo mesun cantidad di petroleo cu Venezuela

NORTH DAKOTA, Merca- Merca ta den su punto mas halto di e produccion di petroleo pisa. Venezuela, en contrario, a registra un fuerte disminucion den e produccion di crudo mei mei di un grave crisis economico.
E estado di North Dakota, a establece un record nobo alcansando Venezuela, miembro di e Organisacion di Paisnan Exportado di Petroleo (OPEP) den termino di produccion di petroleo, Bloomberg a infroma.
En total 1,27 miyon bari di crudo pa dia a wordo extrai na juli den e estado aki, unda cu e zona di petroleo pisa. E ta comparable cu e produccion di Venezuela. Segun fuentenan di OPEP, den e pais Suramericano na augustus a produci 1,24 miyon di bari di petroleo, mas o menos e mita di nivel di principio di 2016.
Debi na e crecemento rapido di produccion di petroleo di esquisto, Merca a supera Rusia pa prome biaha desde 1999, birando asina e productor mas grandi di mundo, segun calculonan preliminar di e Administracion di Informacion Energetico di Merca.
Venezuela, di otro banda, a registra un disminucion fuerte di e produccion mei mei di un grave crisis economico. Pa fin di aña ta spera cu e produccion lo baha na 1 miyon di bari pa dia, segun e Agencia Internacional de Energía.

Comments

comments