WASHINGTON, Merca- White House no ta bahando e tension despues di cu e asesor di siguridad nacional John Bolton a wordo mira cu’n blocknote den mas cu e palabranan “5 mil soldaat pa Colombia”.
“Manera e presidente a bisa, tur opcion ta ariba mesa”, e vocero di White House ora cu e puntr’e pa un splicacion di e palabranan, cu por a wordo mira durante un conferencia di prensa tocante e ultimo sancionnan riba Venezuela.
Presidente Donald Trump a nenga di descarta cualkier opcion militar na Venezuela mientras cu e gobierno ta aumenta e presion riba e gobernante di e pais, Nicolas Maduro.
Un funcionario di e Departamento di Defensa dialuna a bisa cu no tin plan ariba mesa pa manda soldaatnan pa Suramerica ni tampoco a discuti esaki na nivel politico of operativo.
Tin un numero limita di tropanan Mericano actualmente na Colombia como parti di e mision Plan/Paz Colombia, pero e cifra aki ta di algun shen, segun e funcionario.
Di otro banda, e canciyer di Colombia, Carlos Holmes Trujillo, a afirma:
“Pa loke ta e mencion di Colombia den e blocknote cu Sr. John Bolton tabata tin den su man, nos no ta na altura di esaki”.