NEW YORK/LONDON -Segun The Wall Street Journal, e Departamento (di Husticia) “cada biaha ta mas optimista di cu nan por hib’e corte di Merca”.
E Departamento di Husticia di Merca, a prepara pa hiba e fundado di WikiLeaks, Julian Assange, segun un informe di The Wall Street Journal, segun fuentenan cu conocimento di e caso.
E medio ta señala cu e Departamento “cada biaha ta mas optimista di cu e lo por wordo hiba corte na Merca”. Ta di descata cu e aña cu a pasa, fiscalnan Mericano a discuti varios tipo di cargo di cual lo por acusa Asssange di nan. E ultimo aki ta refugia den e embahada di Ecuador desde 2012.
E fuentenan di e rotativo no a precisa si e discusion riba e destino di e fundado di WikiLeaks ta tumando luga na Reino Uni of cu Ecuador, pero a observa cu a wordo fomenta “pa e ultimo acontecimentonan”.
Segun The Wall Street Journal, e acusacionnan exacto cu lo por keda presenta contra di Assange no ta conoci, pero cu e Ley di Spionahe, cu ta castiga e dunamento di informacion relaciona cu defensa nacional”.
Di mes manera, e fuentenan a conta na medionan di comunicacion cu fiscalnan a considera pa acusa Assange publicamente “pa purba pa e sali for di e embahada”, ya cu’n splicacion di e evidencia contra di dje “lo por duna autoridadnan Ecuatoriano un motibo pa su entrega”.
Di otro banda, abogado di e periodista, Barry Pollack a bisa cu e no ta na altura di cu lo ta preparando un acusacion. “Nos no a tende nada mas for di autoridadnan cu ta sugeri cu un caso penal contra Assange ta inminente”, el a comenta. “Hiba un persona corte pa publica informacion veraz lo ta algo sin precedente, teribel y peligroso”.
- Julian Assange a refugia su mes den e sede diplomatico di Ecuador na London dia 19 di juni 2012 pa evita di wordo extradita pa Suecia, caminda e tabata wordo acusa di supuesto delitonan sexual.
- E fundado di WikiLeaks no tabata por a bandona e Embahada, a pesar di cu fiscalnan Sueco a retira e cargonan na mei 2017, ya cu autoridadnan Britanico lo por arest’e pa no a cumpli cu e condicionnan di su fiansa na Reino Uni.
- Ademas, e activista tin miedo di wordo entrega na Merca, unda cu e lo por castiga na cadena perpetuo pa acusasionnan di spionahe..