WASHINGTON, D.C., Merca- E Administracion di Siguridad di Transporte (TSA) ta considerando pa elimina e revision di siguridad na pasaheronan na mas di 150 airport chikito y mediano na Merca. Esaki a wordo confirma pa funcionarionan halto y documentonan obteni door di CNN.
E propuesta, si e wordo implementa, lo marca un cambio grandi pa biaheronan aereo den e pais, despues di casi dos decada cu presencia di TSA den airportnan. Esaki ta desde e atakenan teroristanan di 11 di september 2001. Ademas, e ta bin na momento cu gobierno di presidente Trump a intensifica e controlnan pa dispositivonan manera laptop y tablets.
E documentonan interno di un grupo di trabao di TSA ta señala cu e proyecto di recorta e controlnan di siguridad den algun airport chikito y mediano, cu ta sirbi avionnan cu 60 asiento of menos, lo resulta den un “aumento chikito (no cero aumento) indeseabel di e risico vincula cu’n oportunidad adicional adverso”.
E medida aki lo spaar gobierno federal 115 miyon dollar pa aña, placa cu lo por wordo inverti den reforsa siguridad na airportnan mas grandi.