AFGANISTAN – Ehercito di Merca a lansa un enorme bom na Afganistan segun cuater oficial cu conocemento directo di e mision.
Un bom GBU-43/B Massive Ordenance Air Blast, conoci como MOAB, a wordo lansa diahuebs pa 7’or di anochi, segun fuentenan.
MOAB ta conoci como e “mama di tur bom”, e mas poderoso no nuclear cu Merca tin.
Ta un bom di 10 ton, esun di mas grandi cu ta existi. El a wordo uza den e region aki oost di Afganistan cerca di e frontera cu Pakistan.
Algun dia pasa tabata tin un combate entre Merca y ISIS den e zona aki.
E bom a wordo lansa for di un avion MC-130, opera pa e Forsanan Special di e Forsa Aereo. Ta afirma cu e obhetivo tabata e tunelnan y personal di ISIS. Actualmente e Ehercito ta evaluando e daño.
Esaki ta prome biaha cu un MOAB a wordo uza den un campo di bataya, segun oficialnan di ehercito. E municion aki a wordo desaroya den e guerra di Irak, pero nunca a wordo uza prome den e guera.
Fuente: CNN en Español