Merca a anuncia restriccionnan nobo pa biaha pa Cuba

WASHINGTON, D.C/HAVANA- Gobierno Mericano diamars a anuncia restriccionnan nobo pa biaha pa Cuba como parti di e proceso di endurece e politica di e administracion di Trump pa cu Havana.
Segun un comunicado di e Treasure Department, entrante 5 di juni Mericanonan ya lo no por realisa “biahenan educativo den grupo”, un di e categorianan cu cual ciudadanonan Mericano lo por biaha legalmente pa Cuba.\
Barconan crucero, y tampoco avionnan priva lo no por biaha mas pa Cuba.
E secretario di Comercio, Steve Mnuchin, a splica cu e medida ta forma parti di e “decision strategico di pone un stop na e relahamento di e sancionnan y otro restriccionnan na e regimen Cubano”, na cual e administracion di Trump na acusa di ta purba desestabilisa e Hemisferio Occidental”.
Segun Mnuchin, Cuba “ta sigui duna un plataforma comunista den e region y apoyando contricantenan Mericano na luganan manera Venezuela y Nicaragua door di fomenta instabilidad, caba cu estado di derecho y suprimi procesonan democratico”.

Comments

comments