PORTLAND, Merca- habitantenan di e ciudad di Portland, Merca no ta oculta nan rabia pa e morto di dos homber cu a purba defende dos hoben for di un tipo cu tabata atacanan verbalmente. E motibo parce di tabata pasobra e dos hobennan aki tabata Musulman.
Aunke e investigacion di e sucedido ainda ta den pleno desaroyo, decenas di persona a participa den vigilianan teni y varios medio di comunicacion a conta e historia di e dos hombernan aki.
E incidente a tuma luga diabierna den oranan di atardi, den un treino di e ciudad ubica na Oregon. E adolescentenan, al menos un di nan, tabata tin un hijab (velo islamico) a subi e trein den e mesun vagon unda cu Jeremy Joseph Christian tabata biahando.
Segun testigonan a declara, e hobennan a yama e atencion di Christian, y esaki a cuminsa bisa cu tur musulman mester muri. E tabata grita insultonan di variedad di etnia y religionnan.
Tres homber a purba yuda e hobennan, bisando cu nan no por wordo trata asina, ya cu nan tabata mucha ainda.
Pero Christian a reacciona violentamente contra esunnan cu a purba proteha e hobennan y a hinca nan. El a wordo aresta poco despues di a bandona e trein.
Autoridadnan ta investigando si e violencia tabata un acto di terorismo, domestico of un delito federal di odio.
Fuente: www.bbcmundo.com