Merca a stop uzo vacuna di Johnson & Johnson

Mas cu 30 persona na Nort Carolina , Colorado y Georgia a raporta efectonan secundario despues di a ricibi e vacuna. E sintomanan cu nan a sinti tabata draaimento di cabes, stoma ta bira y caymento flauw.
Algun estado di Estados Unidos a stop e proceso di immunisacion contra COVID-19 cu e vacuna di Johnson & Johnson debi na e reaccionnan negativo,asina autoridadnan di salud a informa.

Representantenan di cartera di Salud a dicidi di cera e centronan di vacunacion pa preveni reaccionnan nobo causa pa e antigeno.
E Centronan pa Prevencion y Control di Malesanan (CDC), pa su abreviacion na Ingles), a afirma cu no a topa cu ningun problema di siguridad of motibonan di preocupacion cu e vacuna.
Te cu dialuna a aplica rond di 189 miyon dosis di vacuna contra COVID-19 na Estados Unidos y mas cu 237 miyon a wordo distribui, segun informacion di CDC.
Anthony Fauci, principal experto Mericano den malesanan infeccioso, a bisa cu 70% pa 85% di e poblacion mester vacuna pa logra inmunidad colectivo, locual lo por tuma luga den zomer awo.
Estados Unidos tin casi 32 miyon di casonan di Covid-19 y mas di 576 mil fayecido, siendo e nacion mas perhudica door di e crisis di salud.

Comments

comments