SEOUL, Zuid Kore – Bombernan Mericano a realisa diasabra, pruebanan di tiro na e frontera Koreano despues cu Pyongyang a concreta e siman aki un prueba di misil intercontinental, ministerio di Defensa Zuid Koreano a bisa.
Como parti di e ehercicio, dos B-1B Lancers a desplega for di e base aereo Andersen, na Guam, a acerca na e frontera terestres y maritimo cu Noord Korea, prome cu nan a dal media buelta.
E bombernan aki a bula riba Mar di Hapon y ora nan a yega cerca di e frontera cu ta dividi e dos Koreanan, nan a uni na e jetnan Zuid Koreano F-15K y F-16 den e provincia di Gangwon. Eynan nan a ensaya cu atakenan real na instalacionnan clave Noord Koreano, segun e reportenan.
“Danki na e ehercisionan aki, e forsanan aereo Zuid Koreano y Mericano a exhibi su determinacion pa sanciona e enemigo duramente pa su actonan provocador y su capacidad pa pulverisa e puestonan di mando enemigo,” autoridadnan Zuid Koreano a indica.
Dia di Independencia di Merca, dia 4 di Juli, Noord Korea a lansa cu exito un misil balistico intercontinental cu e capacidad pa alcansa Alaska.
E television estatal Noord Koreano a divulga imagennan di prueba, yama “regalo na Merca.” E movida a incrementa e tension entre e partinan, cu ya ta ba escalando pa algun luna caba.
Fuente: www.laopinion.com