MEP y Raiz a aproba peticion pa compra di material pa KPA

Ayera durante un reunion di comision central a aproba e peticion di Minister di Husticia sr. Bikker, pa  “vooruitlopend” riba tratamento di presupuesto di pais, Aruba por adkiri cierto materialnan pa Cuerpo Policial.

MATERIAL PA GARANTISA SIGURIDAD

Esaki ta importante pa por garantisa e siguridad di e polisnan pero tambe pa garantisa siguridad di e ciudadanonan. Asina a bin un peticion pa adkiri “bulletproof- vests” y algun aparato pa frena e tiroteonan.

Pero tambe a duna aprobacion pa por cuminsa cu un klas nobo pa KIA y KPA. Esaki tambe ta importante pa por sigui brinda siguridad.

Obviamente e aprobacion di parti MEP y RAIZ a wordo condiciona na e hecho cu esaki mester sosode dentro di e cuadronan financiero. Y esaki no lo ta un problema, segun Minister di Husticia sr. Bikker. Pues no ta trata di fondonan adicional, pero fondonan presupuesta den presupuesto 2021.

Comments

comments