E aña aki un biaha mas partido MEP tin su campaña di yena formulario di belasting. Mirando e situacion di Covid-19 pa por keda yuda, e biaha aki mester yama pa haci un cita. Tin cu yama e number 5931026.
E campaña a cuminsa siman pasa y lo continua e siman aki. Lo ta 3 dia pa siman, esta riba diamars, diahuebs y diasabra. Nos ta yuda hende parti mainta di 9’or pa 12’or y parti atardi di 6’or pa 9’or. Mas cu claro tur cu haya cita mester percura pa trece tur e documentonan necesario manera: loonopgaaf 2020 SVB, loonopgaaf 2020 APFA, loonopgaaf 2020 di Lago Annuity Foundation, carta di interes di prestamo di banconan, carta di interes y gastonan di hypotheek, carta di interes di Credit Card etc. Si bo mester di yudansa esaki ta bo chens. Un siman mas MEP ta yuda bo yena bo formulario.
Siman pasa nos a yuda un total di 311 persona cual sigur ta indica cu tin un necesidad den pueblo pa keda yuda cu e yenamento di e formulario di belasting. E servicio aki MEP ta haci’e gratis pa e comunidad y sigur ta gradici tur nos boluntarionan cu ta yuda nos haci e campaña aki posibel.