Aruba a papia. Aruba a marcha. Y den forma masal a demostra cu ta basta cu criminalidad. E marcha a sali rond di 4.30 for di Postkantoor y a yega Bestuurskantoor rond di 6.00. A logra pone mil persona riba pia cual ta un logro grandi. MEP tambe tabata tey presente den gran forma, semper solidario cu pueblo di Aruba.
Un pabien ta bay na e organisadornan. Ta prome biaha cu comerciante y sindicalistanan ta uni den un causa comun: e preocupacion pa nos siguridad.
E presion cu e marcha aki a pone riba Gobierno y specialmente riba e politiconan di AVP ta enorme, y a pone varios politico di AVP haci expresionnan bastante absurdo pa purba stroba e marcha.
Pero pueblo a papia, y a mustra cla y raspa cu e NO ta contento cu e maneho di Gobierno aki pa loke ta criminalidad. Pabien Aruba