Partido MEP ta participa e fayecimento di Licenciado Gustavo Carvajal Moreno, co-fundador di nos organisacion Conferencia Permanente de Partidos Politicos de America Latina y el Caribe, COPPPAL. Sr. Carvajal a fayece na Mexico.
Nos ta despidi di un Latino Americano cu a aporta na e desaroyo politico di America Latina y Caribe atrabes di COPPPAL cual el a funda , cu e fin di defende democracia y institucionnan huridico politico. Tambe cu e meta pa promove su desaroyo y perfeccionamento, fortalece e principionan di autodeterminacion di e pueblonan di America Latina y Caribe, promove e proceso di integracion regional y e soberania di e paisnan di e region.
Sr. Carvajal tabata un amigo di sr. Betico Croes den feliz memoria, y su sosten tabata instrumental pa Aruba a logra su Status Aparte na 1986. Sr. Carvajal a sostene lidernan di MEP sr. Nelson Oduber y sra. Evelyn Wever-Croes, y su gran amigo sr. Rudy Croes, vice Presidente y Coordinador General di casonan Colonial pa COPPPAL. Sr. Carvajal a bishita Aruba varios biaha, y tabata presente na e ultimo Congreso di partido MEP na 2015. E gran famia di MEP lo haya su falta, y su legado lo keda como un guia pa nos.
Cu sr. Carvajal sosega na paz.