Siman pasa e tema di un mayor cu ta bin bati un docente na school, cu ta un caso hopi di lamenta pa cual aki lider di MEP ta lamenta esaki. E no ta e forma pa trata un educador. Sra. mr. Evelyne Wever – Croes ta amplia.
Segun Sra. Wever Croes, semper por tin discordia entre dos persona, pero recuri na e forma aki, di abuso fisico contra di un docente, cu ta haciendo su trabao, no ta algo cu hamas por haya como normal aki na Aruba. Partido MEP ta manda su palabranan di convivencia pa famianan di e docente, e coleganan, tur docente en general na Aruba. Locual cu a pasa, mester wordo condena y rechasa. Esaki no mester pasa mas. No tin siguridad mas na scolnan. A corta den presupuesto di siguridad. Y ken sa cua loco por subi tereno di scol, y enbes di agredi un docente, por agredi un mucha inocente.
Sra. Wever – Croes a enfatisa cu locual ta sosodiendo na Aruba, ta decadencia total. Y hunto mester para y bisa cu no ta acepta esaki. Enseñansa pa MEP ta hopi importante. Trece siguridad bek pa e docente por haci su trabao trankil. Y ora tin conflicto, mester tin sosten pa e docente pa e atende cun’e, of e mester bay cay den e esunnan cu ta traha riba tereno social, ta atende cu problemanan social.
Parlamento a haya bishita di studiantenan di e di 3 aña di IPA, y e compromiso cu MEP tin pa nan, ta pa duna docentenan mas voz den decisionnan importante den enseñansa. Lo duna docentenan participacion den enseñansa. Ta docentenan sa miho cu un politico, con pa soluciona un problema den enseñansa. Esey ta un compromiso di MEP ora nan ta den gobierno.
Pa hopi tempo caba, docentenan ta sclama pa siguridad na scolnan. Nan ta conta di problemanan serio cu nan ta hayanan aden cu cierto mayornan. Nan no ta haya sosten ni oido. Esey ta un di e temanan, cu ta hopi importante.
Manera ya Sra. Wever – Croes a anuncia caba siman pasa, MEP ta trahando for di oposicion, riba nan plan di gobernacion, com pa mehora e situacion den enseñansa. A haci un inventarisacion di e estadonan fisico di scolnan na Aruba.
Cada scol a wordo evalua. E situacion di e scol den cada districto, a pasa den cada uno, separando nan den scolnan basico y preparatorio. Mas cu mita di e scolnan na Aruba, mester haya un renobacion completo. Esunnan cu a haya renobacion completo, tabata un 8 scol mas o menos, cual ta 8%. Tin hopi trabao pa haci, ya cu mita di e scolnan ta den un estado asina malo, cu eigenlijk nan lo mester wordo afgekeurd.
Di parti MEP, ora nan bin bek den gobernacion, caminda cu tin mas cu 50 % di school di Aruba ta den mal estado pa cual aki MEP lo bay drecha tur cos cu mester wordo drecha. Segun lider di partido MEP, pa hopi tempo no tabata tin vision con pa atende cu e problema aki. Den corto tempo lo atende e casonan di mas urgente. Y a largo plaso, lo atende e otro casonan. Lo publica esaki, pa asina tin transparencia.
Lo yama e minister di Enseñansa den Parlamento, y lo puntra e minister kico e tin pensa di haci y Parlamento lo bay wak kico por haci pa yud’e pa haya e fondonan necesario pa asina tin mas siguridad na scolnan.