Partido MEP manera ta custumber ta trece e ambiente di Pasco pa nos grandinan di Jaburibari. E aña aki no tabata excepcion, cu un kerstboom completamente decora.
Miembronan di partido Xiomara Ruiz-Maduro, Mireille Sintjago, Ady Thijsen y Guillfred Besaril, hunto cu famia y amigonan, tabata encarga cu e proyecto e aña aki.
“Tur aña nos ta regala Stichting Thuiszorg Jaburibari un kerstboom natural, totalmente decora. Aña pasa ladronnan a horta e kerstboom despues cu nos a decor’e, cual tabata algo cu a laga nos grandinan hopi tristo. E aña aki nos a regala nan un kerstboom den nan comedor y nos a decora e kerstboom hunto cu nan. Semper ta un experiencia unico pa pasa tempo cu nos grandinan, y e alegria cu nos por a mira riba nan cara ta algo sumamente grandi. Mi ta contento cu nos por a trece un poco mas ambiente di Pasco pa nos grandinan, pasobra nan merec’e”, lider di MEP Evelyn Wever-Croes a duna di conoce.