Parlamento dialuna ultimo a trata e reunion tocante negishi miyonario di tereno cu Benny Sevinger y e sponsornan di campaña di AVP. E fraccion di AVP tabata masha swak mes pa defende nan minister. Den prome instante nan ni kier a drenta sala di Parlamento. Nan a keda para pafo di sala manera mucha chikito, cu miedo. Nan a tira culpa riba Parlamentario Besaril di MEP cu a yega poco laat, siendo cu ta nan mes mester duna quorum. Pero tabata obvio cu nan tabata tin miedo desde un principio.
Mas laat nan a haya curashi y nan a drenta sala pa asina duna quorum na nan ministernan cu tabata sinta ta warda. Pero nan presentacion den Parlamento tabata masha swak mes.Ta solamente esnan cu ta comprometi na Benny Sevinger pasobra nan a haya fabornan di Sevinger, so a purba defende Sevinger.
Esunnan cu a hiba palabra ta: Melvin Tromp, cu tambe ta hinca den negoshi cu tereno di pueblo. Chris Dammers, cu su casa ta directora di DIP. Baba Herde, cu su ruman ta man drechi di Baba Sevinger. Ta logico cu nan mester a purba hustifica e actonan cuesionabel di Benny Sevinger. Pero nan cada un a haci’e na un forma masha swak mes, Sumamente debil.
Un di e poconan cu a hiba palabra tabata pues Chris Dammers. Pero naturalmente nada bon e por a bisa. Pasobra Chris Dammers ta casa cu directora di DIP ken ta meti pata pata den tur e actonan cuestionabel di Benny Sevinger pasobra como esun na cabes di DIP ta esun cu mester ehecuta tur e ordo nan di Benny Sevinger.
Ademas, Chris Dammers lo no tribi hamas di ta critico cu Benny Sevinger pasobra el a haya hopi cas den Colony pa su yiunan. Tur esaki danki na e DAMMERS-CONNECTION den DIP y den Parlamento.
Ta esaki ta e forma con Benny Sevinger y Mike Eman ta cumpra nan sosten den Parlamento, percurando pa cada Parlamentario di AVP ta hopi bon acomoda y nan esposanan tambe. regalando nan cantidad di cos, hasta cas den Colony.
Bisami, ken lo bay contra di su gobierno si su conseinshi ta cumpra di e forma ey?
- Latest
