Mientras cu e proceso di formacion di gobierno mes ta canando su caminda, wardando pa e fase di formacion cuminsa, MEP ta preparando su mes pa asumi su responsabilidad.
Compromiso di MEP ta pa pone e ser humano central. Aki mester cuminsa cu esunnan mas vulnerabel den comunidad, nos muchanan cu mester haya proteccion, nos hobennan cu mester haya bon calidad di enseñansa y mas oportunidad. E mamanan soltera cu mester haya mas oportunidad pa supera nan mes pa lanta nan yiunan nan mes. Nos hendenan special cu tin derecho di inclusion y nos grandinan cu mester di un cuido digno.
Lider di MEP, Sra. Evelyn Wever- Croes, hunto cu un ekipo di 11 candidato a tene un reunion cu directora di Departamento di Asuntonan Social, Sra. Glenda Hernandez y henter su staff. Durante e presentacion aki, MEP a keda hopi impresiona cu e vision di Departamento di Asuntonan Social cu por yuda den ponemento di e ser humano central.