Mep a reuni cu Consul Mericano riba refineria

Ayera tardi un delegacion di MEP a reuni cu e consul di Merca, sr. Christian Olsen. E ta na Aruba pa diferente reunion y entre otro a reuni cu RDA. Manera ta conoci atrabes di e proceso di “advocacy” Gobierno di Merca a screen e companianan Mericano cu a firma e Letter of Intent. E sosten di Gobierno Mericano t’ey y ta spera cu pronto e negociacionnan ta termina.

CONSUL MERICANO CHRISTIAN OLSEN

Ta importante pa señala cu sr. Christian Olsen a garantisa Aruba cu e companianan Mericano tin e capital necesario, pasobra Gobierno di Merca mes a screen nan. E proceso aki yama “Proces of advocacy” y ta encera tambe screening (vetting). Y esaki ta e motibo cu e consul Mericano sr. Christian Olsen a garantisa cu e companianan aki tin e capital pa por ehecuta e dos proyectonan aki.

INVERSION

Quanten LLC lo inverti 3.5 biyon dollar den un transcurso di 3 aña. E proyeccionnan ta mustra cu lo crea un total di 2100 cupo di trabou y e impacto economico riba nos GDP na 2021 lo ta 9.3%, na 2022 20% y 2023 10.8%.

 

Comments

comments