MEP a gana prome encuesta di Camara di Comercio

Camara di Comercio di Aruba (KvK) ta ta informa resultado di e encuesta haci simultáneamente cu e debate cu a tuma luga recientemente. E tabata un debate organisa door di e órgano aki.

Manera a wordo anuncia durante e prome debate dia 3 di juni ultimo, e encuesta general a keda habri den un forma di ‘encuesta despues di debate’ te cu dialuna 7 di juni 12or di merdia, pa asina a duna e posibilidad na e personanan cu no a logra di vota e mesun anochi y pa ricibi mas feedback di comunidad despues di e prome edicion di debate 2021.

Riba e plataforma interactivo di Setar, cu a estrena durante debate 2021, a ricibi un cantidad di mas cu 7000 participante (usuario di e plataforma), unda cu e usuario por a haya acceso sea door di scan e QR code of via e link https://debate.kvk.aw. E plataforma a enfoca riba un intercambio cu televidentenan ‘Live’ na cas, unda participantenan activo riba e plataforma por a sigui e secuencia di e debate y asina nabega di un tanda pa e siguiente tanda contestando varios pregunta den un periodo di tempo asigna.

E resultado final di e plataforma ta basa riba e participantenan cu tabata activo y cu a duna nan contesta riba e encuesta di 5 pregunta despues di tanda 3. Mas o menos mita di e cantidad di usario di e plataforma a vota/contesta e preguntanan 1 te cu 5 di e encuesta despues di tanda 3.

Pa e siguiente debate lo laga e plataforma aki habri durante henter e debate, pa facilita tur hende pa vota na momento nan ta desea.

E resultado final di e encuesta di 5 pregunta despues di tanda 3 ta ilustra den e imagenan.

Pa e participantenan den e encuesta partido MEP y su líder ta esun cu a sobresali positivamente ya cu den e categoría di e líder cu menos a sobresali a wordo gana door di e líder di HTC.

 

Comments

comments