Mensahe di Minister Chris Romero den cuadro di Dia Mundial di Telecomunicacion

0
RBC Juli 2018
Funmiles-2018

For di 1969 e Union Internacional di Telecomunicacion a consagra 17 di mei como e dia pa conmemora e prome Convencion Telegrafico Internacional y Dia Mundial di Telecomunicacion.

Den e ayera historico tabata materialmente imposibel pa haya informacion actualisa di acontecimentonan cu tabata yega cerca nos den cuestion di ora, dia y hasta lunanan di retraso.
Mirando e falta di comunicacion existente den e epoca ey, cu tempo a cuminsa aparece den e generacionnan anterior loke ta conoci como teletipo, telegram, y, cu algo di suerte, radio y telefon.

For di telegraf te na fibra optico a pasa mas cu un siglo caba, pero na un velocidad cu, tin biaha, ta parce cu nos mes a biba nos infancia den edad medio. Asina grandi e avance tecnologico tabata den cuestion di un siglo. Nos a pasa di mira e posibilidad di ta cerca di un computer como un gran logro, pa tin mester di un computer, tablet of smartphone pa por realisa cualkier tarea simpel den nos bida diario.

Telecomunicacion awendia ta den expansion, y nos mester aspira cu Aruba lo por experimenta un crecemento exponencial den esaki. For di aworaki mes y den e periodo nos dilanti, nos mester redobla e esfuersonan pa coregi e debilidadnan actual y supera e desekilibrio cu lo por ta un menasa pa e empleo corecto di trabou den e area di telecomunicacion.

Nos Gobierno tin e compromiso di transforma e structuranan anticua pa cu nos leynan di comunicacion, cu no a pasa den cambio pa hopi decada. Creacion di leynan nobo, no solamente pa controla e dispersacion di mal informacion, pero tambe pa duna mas herment na e ciudadano comun di cuida su imagen publico. Pero tambe pa duna mas poder na instancianan, manera DTZ, di haci nan trabou ampliamente sin tin e necesidad di confronta constantemente burocracianan innecesario y cu ta stroba un funcionario di realisa su trabou adecuadamente.

Pero pa nos por logra esaki nos lo bay tin mester di traha hunto y proactivamente y haci di esaki un meta colectivo, pasobra ta asina so nos lo por logra e cambionan cu nos ta desea.
Nos tur ta rekeri di optimalisacion trabou, di talento, di esfuerso, pasobra solamente asina nos lo logra e cambio ta anhela pa nos Aruba stima, cu ta exigi, pa su transformacion total, e consagracion di tur ciudadano trahando den conhunto cu meta colectivo pa logra un miho futuro pa nos generacion y tur esunnan despues di nos.

Comments

comments

C: Heineken
new india