Sr. Ferdinand Ponson, vocero di Cuerpo di Bombero ta splica con e fin di siman di San Juan a bay.
E aña aki toch Cuerpo di Bombero tabata basta druk cu pagamento di candela, aunke si mester bisa cu e porcentahe di candelanan ariba e dia aki a baha hopi. Esaki ta debi na e diferente Centronan di Bario cu a organisa varios actividad den nan bario.
E banda positivo di San Juan, Sr. Ponson a splica cu hopi hende a ripara cu nan por siña mas di cultura, door di bay un Centro di Bario, enbes di purba haci cultura na cas. Tin veldnan caminda cu tabata tin candela, tabata tin sushinan cu tabata gewoon mata. Cunukeronan a kima varios mata. Pero tin varios caminda unda cu hendenan ta echt montona e sushinan y kimanan. Loke a bay bon, segun sr. Ponson, tabata cu tabata tin sushinan montona, unda cu e candela no tabata tin manera pa expande.
Sr. Ferdinand Ponson, vocero di Departamento di Bombero, a sigui splica cu e e aña aki tabata tin menos candela, y e candelanan cu tabata tin tabata hopi mas controlabel. E aña aki e yamadanan tabata hopi menos. Cuerpo di Bombero a ricibi algo mas di 300 yamada, cu’n total di 87 candela, di cual 40 tabata echt den necesidad di wordo paga door di Bomberonan, door di peliger di expande, sea pa un cas of un auto.