Diabierna anochi polis a keda informa fo’i trempan cu tin algun menor di edad coriendo den un chevrolet optra riba caminda basta iresponsabel. Patruya atento di Santa Cruz a topa cu e vehiculo rotonde bay zuid y a duna e chauffeur un señal pa para.
Momento cu e oficialnan a bay atende cu e chauffeur a dal den sorpresa di berdad un mucha homber menor cu 18 tra’i stuur, a pone baha di biaha y detene. Durante control den e auto a topa cu grinder cu marihuana aden. E menor di edad tabatin mas amigo menor di edad cune.